للأحباب

موضوع: للأحباب الثلاثاء فبراير 03, 2009 2:06 am

أحبك حب ماينكتب ولا ينوصف ولا ينقال...
يفوق الوصف والتعبير وعنه تضرب أمثالي...
إذا منك زعلت أحس بداخلي شرى الزلزال...
ويوم إنك علي راضي ترد الروح في حالي...
أنا من كثر حبي لك أسمي والدي خالي!!!!

ミミミ
قويت البعد ياخلي
وانا اللي بشوفتك ولهان
أنا من غيركم من لي
وانتوا داري والأوطان
ياروحي ماني متغلي
ولا إلكم صرت نسيان
عليكم دمعي ينهلي
وخفوقي في الحشا رنان
كأنه الشوق يندهلي
<<وينك ياأعز الناس>>..

ミミミ

أجمل زمن في ظل حبك قضيته
وأحلى قصيده قلتها فيك ولهان
والعين تهوى كل درب مشيته
والرجل تاطى لك شعوب وأوطان
حبك هو اللي فالحياة أرتجيته
وعرفت في قربك معنى غلا إنسان

ミミミ
القمر والكون لو تبغي عطيتك
من كثر ما اغليك اتباها بغلاك
افقد الادراك لو ساعه جفيتك
تسمح الزلات لو قولي خطاك
يا إله الكون من قلبي دعيتك
تحفظ المحبوب ياعالي ف سماك

ミミミ
اترك جمالك ياحبيبي على جنب
غير الحلا يعجبني بزود طيبك
كلك على بعضك تجنن وتنحب
حظي كبير اللي جعلني رفيقك
إن كان حبي بنظر بعضهم ذنب
يامرحبا والله بذنب يجيبك
ماقول غير الله يخليك يارب
ويعمي عيون من حسدها تصيبك

ミミミ
ماطيق أنا يا صاحبي عنك الابعاد
ماطيق " لحظة بعد "
بينك وبيني
واللي بسط سبع وسبع بلا أعماق
إنك بهالدنيا مثل
نور عيني
من كثر ما أنشد عنك سميت نشاد
ومن كثر ما أحبك خيالك يجيني

ミミミ

لو يطمني حبيبي في رساله
لويحدثني عن ألوان الغروب
ودي أعرف وش علومه وكيف حاله؟
ووين غاب ووين ودته الدروب..؟
أشهد إن الوقت ماعنده عداله
يوم يفرح قلب ويعذب قلوب

ミミミ
ياصاحبي .. لو بالزمن ذرة إحساس
ماياخذك .. من عند ( قلبي )ثواني
مليت اشوفك .. بين الأشواق والياس
واشوف حلمي .. ينهدم في كياني
ミミミ

أبسرق وقتي لعينك مدامك ساكنه باحشاي
وأبرمي كل هالدنيا ورى ظهري وأخليها
وابقبل يمة عيونك وشوفك غايتي ومناي
لأن عيوني العطشا عيونك بس ترويها
تعالي صافحي كفي وحطي في يدك يمناي
وهدّي رعشة كفوفٍ ملامس يدك يدفيها
ミミミ

ليتك تشوف الوله في وحشة غيابك
وتشوف قلبي وجرح البعد ساطي به
سألت عنك الغياب: ليش ماجابك؟؟
وتمتم شقى غربتي يقول:مدري به
ياما سألت الطيف وباقي أسرابك
متى على الله يحن الوقت ويجيبه
ミミミ

يامن بحبك تملك القلب وينك ؟
تعال قلبي يشتكي هم واجراح
ضمه ولمه واحضنه في !..يدينك..!
تعال خل الروح للروح تنساح
روحي تحبك ماضمت حب غيرك
انت الوحيداللي له القلب يرتاح
ミミミ

قليل في حقك إذا قلت أنا " أغليك" ..
كلمة "غلا" .. ماتوصف إنسان " غالي"
لا الربع كافي ولا نص يكفيك ..
انت " الغلا " كله
يابعد كل " غآلي

موضوع: رد: للأحباب الأحد فبراير 08, 2009 2:50 am

وعليكم السلام

مشكوره

ع المقتطفات الحلبوه

موضوع: رد: للأحباب الثلاثاء سبتمبر 08, 2009 6:32 pm

لو يطمني حبيبي في رساله
لويحدثني عن ألوان الغروب
ودي أعرف وش علومه وكيف حاله؟
ووين غاب ووين ودته الدروب..؟
أشهد إن الوقت ماعنده عداله
يوم يفرح قلب ويعذب قلوب